ރޭގެ ކޮލިފައިން މެޗުތަކަށްފަހު އެމެރިކާއާއި މެކްސިކޯވެސް އަންނަ އަހަރުގެ ވޯލްޑްކަޕަށް ކޮލިފައިވެއްޖެއެވެ.

ކޮންކާކަފް ސަރަހައްދުގައި ކުޅެވުނު މެޗުތަކުގައި ހޮންޑިއުއަސް އާއި ބައްދަލުކޮށް ވާދަވެރި މެޗަކަށްފަހު އެމެރިކާ މޮޅުވީ 3-2ންނެވެ.

މެޗުގެ 87ވަނަ މިނެޓްގައި ނަތީޖާ ހަމަހަމަކޮށްލުމަށް ހޮންޑިއުރަސްއަށް ޕެނަލްޓީއެއްވެސް ލިބުނެވެ. ނަމަވެސް ވަނީ ކާމިޔާބު ނުކުރެވިފައެވެ. މިމެޗު އެއްވަރުވިނަމަ އެމެރިކާއަށް ޖެހުނީހީ އަންނަ ބުދަދުވަހު ކޮސްޓަރިކާ މެޗަށް އިންތިޒާރުކުރާށެވެ.

މެކްސިކޯ ކޮލިފައިވީ 4-1ން އެލްސެލްވަޑޯ ބަލިކޮށްގެންނެވެ. މިއީ ވާރލްޑްކަޕުން މެކްސިކޯ ވިދިވިދިގެން ފުރުޞަތު ހޯދި 5ވަނަ ފަހަރެވެ. މިފަހަރުގެ ކޮލިފައިން ކެމްޕޭން މެކްސިކޯއަށް ފެނިފައިވަނީ ވަރަށް ނާކާމިޔާބުކޮށެވެ. ފުރަތަމަ ކުޅުނު 4 މެޗު ތެރެއިން 3 މެޗުން ވަނީ ބަލިވެފައެވެ.